Мультимедиа технологи хөтөлбөр Хөтөлбөрийн танилцуулга Бидний өдөр тутмын амьдралд үзүүлэх технологийн нөлөөлөл жилээс жилд өсөн нэмэгдсээр байна. Технологийн суурь мэдлэгтэй мультимедиа салбарын мэргэжилтэн нь орчин үеийн технологиудын хэтийн чиг хандлага болоод буй виртуал реалити, холимог реалити, компьютер симуляци, дижитал твин, метаверс зэрэг олон шинэ чиглэлийг эх орондоо амжилттай хэрэгжүүлэх нэг үндэс болно.

Компьютерийн ухаан /D061301/ Компьютерийн ухаан (КУ)-д онолын болон алгоритмын үндсээс эхлээд робот, компьютер вижн, ухаалаг систем, биоинформатик гэх мэт бусад сонирхолтой салбаруудын хамгийн сүүлийн үеийн хөгжүүлэлтийн асуудлууд хамардаг.

Мэдээллийн систем /D061303/ Мэдээллийн систем (МС)-ийн мэргэжилтэн нь мэдээллийн технологийн шийдлийг бизнесийн процесстой нэгтгэн бизнесийн болон бусад байгууллагын мэдээллийн хэрэгцээг хангах, тэдгээр байгууллагыг зорилгодоо үр дүнтэй, ашигтай замаар хүрэхэд тусладаг. Энэ мэргэжил нь мэдээллийн технологийг авч үзэхдээ мэдээллийг чухалчлах ба технологийг мэдээлэл үүсгэх, боловсруулах, түгээх хэрэгсэл гэж харна. Энэ салбарын мэргэжилтнүүд нь байгууллага зорилгоо тодорхойлох болон биелүүлэхэд нь туслах компьютерийн системийн гаргаж өгч чадах мэдээлэл мөн байгууллага мэдээллийн технологийг ашиглан сайжруулж эсвэл хэрэгжүүлж чадах процессийг голлон авч үздэг. Тэд байгууллагын техникийн болон зохион байгуулалтын хүчин зүйлийг хоёуланг нь ойлгож, мэдээлэл болон технологид суурилсан бизнесын процесс нь өрсөлдөх чадвараар хэрхэн хангаж болохыг тодорхойлоход байгууллагад туслах ёстой.

Мэдээллийн технологи /D061304/ -ОЛОН УЛСАД МАГАДЛАН ИТГЭМЖЛЭГДСЭН ХӨТӨЛБӨР Өнөөдөр бүх байгууллага мэдээллийн технологийн хараат болсон байна. Тэдэнд зөв ажилладаг, аюулгүй, шинэчлэгддэг, засварлагддаг, тохирохоор нь сольж болдог , байгууллагад тохирсон систем шаардлагатай. Байгууллагын ажилчдад компьютерийн систем тэдгээрийн програм хангамжийг ойлгодог, тэдний компьютертэй холбоотой асуудлыг шийдэхэд туслах, дэмжлэг үзүүлэх МТ мэргэжилтэн шаардлагатай байдаг. Мэдээллийн технологийн хөтөлбөрөөр төгсөгчид эдгээр хэрэгцээг хангана.

Програм хангамж /D061302/-ОЛОН УЛСАД МАГАДЛАН ИТГЭМЖЛЭГДСЭН ХӨТӨЛБӨР Програм хангамж Програм хангамжийн инженерчлэл бол найдвартай бөгөөд үр дүнтэй ажилладаг, хөгжүүлэх болон арчлахад зардал багатай, хэрэглэгчийн тодорхойлсон бүх шаардлагыг хангасан програм хангамжийн системийг хөгжүүлэх,өргөтгөн сайжруулах салбар юм. Энэ нь математик болон компьютерын ухааны зарчмуудыг инженерчлэлийн арга барилтай хослуулдаг. Энэ хөтөлбөрийн мэргэжилтэн нь математик, компьютерын ухааны ерөнхий, програм хангамжийн инженер мэргэжлийн суурь боловсролыг эзэмшсэн, програм хангамжийн инженерчлэлийн орчин арга технологийн талаарх мэдлэгээ практикт хэрэглэх чадвартай, мэргэжлээ байнга дээшлүүлж байдаг, хүнтэй ажиллах арга барилыг эзэмшсэн, өөрийн мэргэжлээр эрхэлж буй албан үүрэгтэй холбогдсон асуудлыг бие даан болон санал, төсөл боловсруулж шийдвэрлэх чадвартай, иргэний өндөр соёлтой, англи хэлний зохих боловсролтой боловсон хүчин байна.