Шинжлэх ухааны эрдэмтэн судлаач Гончигийн Очирын нэрэмжит тэтгэлгийг 2021 – 2022 оны хичээлийн жилээс эхлэн Химийн шинжлэх ухаан болон Байгаль хамгаалал-хүрээлэн буй орчны салбарт идэвхтэй сурч, судалгаа хийж буй МУИС-ийн магистрант, докторантуудын судалгааны ажлыг дэмжих, ирээдүйн шинжлэх ухааны чадварлаг мэргэжилтэн бэлтгэхэд хувь нэмрээ оруулах зорилгоор жил бүр ахисан түвшний нэг суралцагчид олгохоор боллоо.
Энэхүү тэтгэлгийг олгох гэгээн үйлсийг түүний үр хүүхэд, гэр бүлийн зүгээс санаачилан, байгалийн шинжлэх ухааны салбарт өөрийн эрдэм боловсрол, оюун ухаанаа дайчлан ажиллаж байгаа залуу хойч үеийнхнийг дэмжих, эрдэмд шамдан суралцах, ихийг хийж бүтээх эрмэлзэл бүхий залуу судлаачдад урам өгөх зорилгоор эхлүүлж байгаа юм.
Нэрэмжит тэтгэлгийн эзэн Шинжлэх ухааны эрдэмтэн судлаач Гончигийн Очир нь 1944 онд Говь-Алтай аймгийн Шарга суманд төрж, бага дунд сургуулийг нутагтаа дүүргэн, 1968 онд Зөвлөлт Социалист Бүгд Найрамдах Холбоот Улсын (хуучин нэрээр, одоо Оросын Холбооны Улс) С.К.Тимошекийн нэрэмжит Москвагийн Химийн цэргийн академид элсэн, 1972 онд онц дүнтэй төгсжээ.
1975 оноос Батлан Хамгаалах Яамнаас хөдөлмөрийн гараагаа эхэлж, 1990 он хүртэл Шинжлэх Ухааны Академийн Хими, хими технологийн хүрээлэнд эрдэм шинжилгээний ажилтнаар ажиллаж байсан. Түүнчлэн Чехсловак Улсын (хуучин нэрээр, одоо Бүгд Найрамдах Чех Улс) нийслэл Прага хот дахь Шинжлэх Ухааны Академийн Органик хими ба биохимийн хүрээлэнд 1985-1990 онуудад ажиллаж байсан.
Эрдэмтэн Г.Очирын өөрийн болон хамтын эрдэм шинжилгээний бүтээлүүд нь тухайн үеийн олон улсын шинжлэх ухааны нэртэй сэтгүүлүүдэд нийтлэгдэн олны хүртээл болж байснаас дурдвал:
Тухайн цаг үед манай улс нь социалист буюу хаалттай нийгмийн системтэй байсан бөгөөд шинжлэх ухааны үр дүнг олон улсын нэр хүнд бүхий сэтгүүлд хэвлүүлэх нь томоохон амжилтад тооцогдож байсан.
Дээрх эрдэм шинжилгээний өгүүллүүдээс гадна дараах шинэ бүтээл, оновчтой саналыг хөдөлмөрч нөхдийнхөө хамтаар гаргаж, оюуны өмчөө зохиогчийн эрхээр баталгаажуулжээ.
Г.Очирын нэрэмжит залуу судлаачдыг дэмжих тэтгэлгийн гэрээнд гарын үсэг зурах хүндэтгэлийн ажиллагаанд тэтгэлэг олгогч талыг төлөөлж Г.Очирын эхнэр З.Цэрэннадмид, хүү МУИС-ийн ХШУИС-ийн багш, профессор О.Алтансүх, МУИС-ийг төлөөлж Сургалт, оюутан хариуцсан дэд захирал Б.Очирхуяг, Оюутан, төгсөгчийн хэлтсийн дарга М.Эрдэнэчимэг нар оролцов.
ТЭТГЭЛЭГТ ТАВИГДАХ ЕРӨНХИЙ НӨХЦӨЛ
Тэтгэлгийн хэмжээ: Нэг жилд магистр эсвэл докторын түвшний 1 оюутанд 1 сая төгрөгийг олгох ба өмнө нь өөр тэтгэлэг авсан байж болно.
Тавигдах шаардлага:
ОЮУТАН, ТӨГСӨГЧИЙН ХЭЛТЭС