8 дугаар сарын 25-29 өдрүүдэд “ABU ROBOCON 2017” олон улсын робот зохион бүтээх тэмцээн Япон улсын Токио хотноо болж өндөрлөлөө. Уг тэмцээнд Монгол улсаа төлөөлөн МУИС-ийн ХШУИС-ийн Машин Оюуны лабораторийн роботын баг амжилттай оролцож, тусгай байрын “Toyota Award”- шагналыг  эх орондоо авч ирлээ. Машин Оюуны лабораторийн роботын баг өнгөрсөн 5 дугаар сарын 30 ны өдөр болсон үндэсний роботын тэмцээний ялагчболсноор Япон улсад зохиогдсон олон улсын робот зохион бүтээх тэмцээнд эх орноо төлөөлөн оролцох эрхийг авсан юм. Ингэснээр МУИС-ийн роботын баг Монголын ROBOCON тэмцээний түүхэнд 5 дахь удаагаа түрүүлж, хамгийн олон удаа аварга болсон баг болоод байгаа билээ.

“ABU ROBOCON 2017” олон улсын робот зохион бүтээх тэмцээн роботын технологиор тэргүүлэгч Япон, Хятад, Солонгос зэрэг нийт 19 орны 20-н баг оролцсоноос Веьтнам улсын баг аварга боллоо.

Талархал

Энэхүү тэмцээнд оролцох боломж олгож, дэмжсэн МУИС-ийн удирдлага болон ХШУИС-ийн захирал Н.Баатарбилэгтталархсанаа илэрхийлье.

Удирдагч:       ХШИУС-ийн ЭХИТ-ийн багш Ө.Батбаяр

Багийн ахлагч: Электрон системийн автоматжуулалтын 4-р курсын оюутан С.Бүдрагчаа

Гишүүд:           Электрон системийн автоматжуулалтын 4-р курсын оюутан Г.Рэнцэн

                          Электрон системийн автоматжуулалтын 4-р курсын оюутан Г.Мөнхзул

                          Электрон системийн автоматжуулалтын 3-р курсын оюутан М.Билгүүтэй

                          Электрон системийн автоматжуулалтын 2-р курсын оюутан Ө.Анаржин

МУИС-ХШУИС-ийн Электроник Холбооны Инженерчлэлийн Тэнхим